TÓDOLOS SINDICATOS REXEITAN A PROPOSTA DA EMPRESA DE ELIMINA-LA COMISIÓN NAS TENDAS QUE NON ACADEN O
OBXECTIVO
Despois de varias reunións coa empresa e de asembleas
cos traballadores en tódalas provincias, os sindicatos comunicaron a decisión
de non acepta-la proposta de elimina-la comisión nas tendas que non acaden o
obxectivo de vendas marcado pola empresa.
A empresa non quixo aceptar de ningunha maneira que
nas tendas que quedasen por debaixo do obxectivo esixido se cobrase unha
porcentaxe de comisión, aínda que fose inferior á actual.
A empresa
manifestou que tiña intención de implanta-lo sistema de todas maneiras a partir
do 1 de agosto. Para iso, e ante a negativa da representación sindical a avalar este
novo sistema, a lexislación esíxelle a comunicación individual a cada
traballador afectado. Solicitámosvos que
en todo documento que vos presenten fagades constar “recibín e non conforme”.
A partir de que a empresa proceda á comunicación individual
do novo sistema de comisións, tomarémo-las medidas sindicais e legais oportunas
para intentar defendernos desta decisión que despoxa a moitos traballadores de gran
parte dos seus ingresos e que non vai servir para que aumenten as vendas.
CIG SEGUIREMOS
INFORMANDO UGT